Skip to content
kartoesj-post-header

Kartoesj in de haufe LVK finale 2020

Kartoesj in de haufe LVK finale 2020

Mit hun leedje ‘De vastelaovesviltjesreage’ is Kartoesj doorgedronge tot de haufe finale van ’t Limburgs Vastelaoves Leedjes Konkoers.

Op de versjillende sociale media’s kent geer ’t leedje op allerlei menaere beloestere en zeen.

Facebook, You Tube via L1 (opname haufe LVK finale in de meziekgieterij mestreich en op ’t YouTube kanaal van Carnavalsmuziek.com

Bie deeze ’t persberich euver dit leedjes gemaakt door Ger Hoofwiek

VROLIKKE REAGE VÖÖRSJPELD VEUR VASTELAOVEND 2020
Of ‘t mit klimaatpèrikkele te maake heat? Daoeuver zeen de geleerde ‘t bie lange nao neit euver ens. Wat waal zéker is, is dat de vastelaovend van 2020 ‘geteisterd’ zal weare door regelmaotige en aanhoudende buuije. Waore die buuije in ‘t recente verleeje nogal ‘zoer’ van aard, dao zal in de vastelaovesperiode van 2020 gelökkig gein spraoke van zeen.
Wie dat kent? Beste luuj, mouge veer aan uch veurstelle, de immer vrolikke, enersjieke, opgewekte en tòt mitdoon oetneudigende LVK-inzending 2020 van KARTOESJ:
‘de VASTELAOVESVILTJESRAEGE’.
Robert Buckx, tekssjriever van dit uptempo nummer, heat aafgeloupe naojaor saame mit Guus Kitzen, dea zien muzikaale ideeje mitbrach, de henj inein gesjlaage op eine reagen- en sjtormachtige daag. Toen ze nao boete sjtaarde, op zeuk nao inspiratie veur ein nuujt leedje, koum ‘t idee inens de oapesjlaonde deur bènnegewaeijd. En bleef dao toen de ganse aovend ‘sjtuuve’!
Dat maakt in dit geval geine sikkepit oet ofste eine veurkeur hubs om bènne of boete de vastelaovend te vieren. ‘De VASTELAOVESVILTJESRAEGE’ zal de komende waeke es ein weldadige aanveulende, werme doesj nao eine daag van hard labeur euver dich neerdaale. Neemes zal d’r aan ontkómme, aangezeen deeze ‘reage’ euveral in Limburg, sjteeds opnuuj, door Thijs Zeelen neit te veurspèlle, zal versjienè. Sjtérker nog: jederein geit zélf actief ein biedraage leavere door de viltjes te…
“…SJMIETE, GOAJE, WÉRPE, SJTUUVE, KIELE, MIKKE, SOEZE, VLEEGE,
SJEEZE, VAEGE, FOETSE, FLITSE LANGS DIENE KOP…”
Al zouwste ‘t zo geer wille, doe kens der niet aan ontsjnappe. Doog mit, maar wach mit ‘t deile van dien eige biedraage aan de ‘raege’ op ‘t sjtartsein dat Kartoesj elke keer weer zal geave mit ‘t bie voorbaat al iconische weurdje ‘NOE!’.
Wilste ‘t auch op de LVK-finale in Echt op 7 februari laote ‘vastelaovesviltjesraegene’, sjtöm dan in de 1e haufe finale op 10 of 11 januari op nummer 18: Kartoesj – de Vastelaovesviltjesraege.
Veer sjpichte ós alvas op ein werm, ‘vastelaovesviltjesraegenèchtig’ welkom de komende weake, wo dan auch in Limburg.
Vastelaovend same, mit Kartoesj, ouch en sjus in 2020! Pès bènnekort…
KARTOESJ | saer 1999 | Geert, Ger, Guus en Robert | 2 januari 2020

bericht delen

Scroll To Top