Derde plek Super LVK veur Kartoesj

Op carnavalszaoterdig waor op L1 TV ’t Super-LVK. Tijdens deze ludieke leedjeswedsjtried pakde alle LVK-finalisten van dit millennium ’t nog ens eine keer teage elkaar op. ‘T geit dan om de letste 20 winnaars van 2001 tot en mèt 2020.

Alle leedjes koume dea avond langs in volstrekt willekeurige volgorde. Henk Hover presenteerde ’t Super-LVK en hij woord daobie geassisteerd door ’t L11-Alaaf Vastelaovesgezicht 2021 Kim Vaessen.

Der zeen twee jury’s: ein LVK-vakjury en ein publieksjury. ‘T publiek koosj tot aan ’t einde van de oetzending sjtömme door middel van ein online-sjtömformulier.

Oeteindelik haet W-dreej gewonne mit hun leedje ‘Vandaag’. Veur Kartoesj ein derde plek mit hun leedje ‘Dat zit bie ós in de familie’, gesjreeve door Guus Sjtiene. Alle opnames en de oetzending kent geer hie bekieke.