’t Hoes van de sjpas

Onlangs höbbe de Kartoesj leeje Ger en Guus ein leedje gesjreeve veur Sven Dullens. In omsjtreeke van Munstergelean sinds kort auch waal bekend onger de artiestenaam ‘DUL’. Aafgeloupe jaor waor der al ein soortgelijke saamewirking mit ’t leedje ‘Die Melodie’. Wie ziene zang/artieste partner op veurig jaor woord oetgeroupe es Marotteprins in Zitterd, koos Sven derveur om allein ’t limburgse artiesteleave in te duuke onger de artiestenaam DUL.

Om in die saamewirking nog meer te bande, en om DUL mit te numme in de limburgse artieste scene hubbe veer es Kartoesj de sjtoute sjoon aangetrokke en presentaere veer os mit dit leedje es DUL ft. DAOWBEK. En Daowbek sjteit veur De.Artiest.Auch.Waal.Bekend.Es.Kartoesj. Saame zeen ver bie Marlstone de studio in gedaoke en is dit (spotify) ’t resultaat. Sven zal onger de naam DUL zien nummer insjtuure nao ’t LVK 2020.

Veer haope bennekort dit nummer nog te kenne presentaere op Youtube.