2X 11 JAAR KARTOESJ -|- KARTOESJ: de GOUWE MOMÈNTE SHOW

Gedurende ’t vastelaovesseizoen 2021 – 2022 geit de ambachtelijke Limburgstalige zanggroep KARTOESJ, o.a. bekend van 15 LVK finales en de winst in 2006 met ‘Dat zit bie ôs in de femilie’, hun 2x 11 jarig podium- en bandjubileum viere. Bènnekort goan de biezunjere feestelijkhede volop van start.

MUZIKALE PLANNEN VOOR 2021 – 2022

Allereesj zal KARTOESJ nog veur ’t startsjot van ’t nuuje vastelaovesseizoen ein jubileumleed oetbrenge. Onger de titel ‘Gouwe Momènte’ wurt ein muzikale herinnering opgeroupe aan 22 jaar Limburgse muzikale vastelaoveshistorie. ‘T nummer is van de handj van tekst- en meziekmakers Quirien van Haelen en Bart Storcken, maar klinkt als ein authentiek KARTOESJ-nummer. Geert, Ger, Guus en Robert maake saame ’t onmiskenbare sjtumgeluid van KARTOESJ dat veur de loesteraer herkenbaar is oet doezende.

Rondj de 11e van de 11e zal ‘t LVKnummer veur de editie van 2022 in première gaon. Mit 15 LVK-finales op ’t palmares zeen de manne van KARTOESJ de ‘boomers’ onger de deilnummende artiesten. Tel daorbie auch nog enkele haufe finale plaatse op, dan wetste zeker dat ’t LVK en de Lömmerichse band ein langdoerende relatie kenne. Wie ’t nummer veur 2022 heit en zal klinken…pin ós der nog maar neet op vas. Dat krig de komende minute, oere, daag en waeke z’n definitieve vorm.

KARTOESJ, de GOUWE MOMÈNTE SHOW

Éin van de hoogtepunte van ’t jubileumjaor geit plaatsvinde op zaoterdag 20 en zunjig 21 november. In samenwerking mit JC Delight (licht en geluid) en Kesjteel Lömmerich wurt ein geweldige ‘vastelaovesdinershow’ gegeave. Veur de prijs van 4x 11 euro krieg geer neave ein meergangediner (exclusief drank) ein breid scala aan Limburgs entertainment aangeboaje in de uuterste sfeervolle feestlocatie van Kesjteel Lömmerich.

Op ’t programma van zaoterdag en zunjig sjtaon o.a. meerdere oud-meervoudig LVK winnaars. Tevens maakt elke aovond eine ‘buuttereedner’ ongerdeil oet van de shows. Wea dat allemaol zeen, vernump ger bènnekort via osse socials. Ein totaal feestprogramma dus, dat zien gelijke in de regio neet kent. En uiteraard zal KARTOESJ op beide aovende meerdere keren zelf een aantal ‘Gouwe Momènte’ verzörge tijdens deze ‘KARTOESJ, de GOUWE MOMÈNTE SHOW’.

Nuujts m.b.t. de sjtart van de ticketverkoop volgt snel en verlöp via Kesjteel Lömmerich. Hou de socials van KARTOESJ en Kesjteel Lömmerich dus goed in de gate. Dan beste eine gaer gezeene feestgas tijdens dit jubileumweekend op zaoterdag 20 en zunjig 21 november.

Tot het volgende ‘Gouwe Momènt’, dus tot KARTOESJ!

KARTOESJ | 2X 11 JAOR LIMBURGSE VASTELAOVESHISTORIE

saer 1999 | GeertGerGuus en Robert

bericht delen