1000 Klanke, 1000 Kleure – LVK 2024

13 november 2023

Urges òntsjteit d’r dat e idee , dat zäödje dat wurd geplant en tot greuj kump, in eemes zien tingeltangel hèrsepan !

En dan zèt eemes in…d’n iëste vaeg sjmink op ‘n gezich ‍‍, de iëste pèskes op de dansvloer ‍♀️…en die iëste, noe nog besjeije mèr waal al väölbelaovende toän … Kènt g’r dat geveul?

Ut rizzeltaat!?! ‘1000 klanke ️, 1000 kleure ❤️‍’! Pursies die van de Limburgse vastelaovend, samegevat in ‘n klein 4 minuute blaosmeziek en zangk !

De 3 zachte G’s van KARTOESJ (oet Lömmerich en òmgaeving) same mit de jòng, getalenteerde en biezònjer entoezjaste muzikante van zaate hermenie NUCHTER VERTROCH (oet Beeg en òmgaeving) höbbe al die ideeje samegebrach in ‘n gezamelik LVK-leed, edisie 2024!

‘ 1000 klanke, 1000 kleure ’ dus! Laot ze door gans Limburg klinke en sjiene ✨ dit 5e seizoen ‘23-‘24! En geneet van al die daag…

KARTOESJ ft. NUCHTER VERTROCH – 1000 klanke, 1000 kleure.

De Teks:

KOEPLET 1 | euver SJMINKE

Ès de kriebels kómme, ’t in de maag geit gròmme

Ideeje toegelich veur sjmink op òs gezich

’T sjpunske bewaeg, kump dao de eesjte vaeg?

Dan hawte veer d’n aojem in, jao wach…!?! Dao zèt eemes in!

REFREIN

Eemes zèt in, besjeije begin

De toon geraak, code gekraak

Ich laot ’t gaer gebeure, 1000 klanke, 1000 kleure

Mit vastelaovend dat geveul van heerlik same biejein heure

KOEPLET 2 | euver DANSUH

De bein die gaon mich trille, zie weite wat ze wille

Danse, bewaege, de vloer aan gaon vaege

De sjpiere verzoere, wie lang geit dit doere?

Nog eine sjtap, ’t-haet geine zin, want dao…zèt weer eemes in!

REFREIN

Eemes zèt in, besjeije begin

De toon geraak, code gekraak

Ich laot ’t gaer gebeure, 1000 klanke, 1000 kleure

Mit vastelaovend dat geveul van heerlik same biejein heure

Kiek ós hie gaon, kiek ós hie sjtaon, t liek ein zootje óngerein

Mèr 1000 klanke, 1000 kleure, verbènje ós jaorliks mitein! 2X

KOEPLET 3 | euver SJPEELE en (MIT)ZÈNGE

Ein nuchter hermenie sjpeelt dees melodie

Noe doog dien kael mèr sjraape, dich nog èns biejein raape

Veer wille blieve zènge, òs sjtöm gans gaer vènge

Nog effekes de aojem in en dan…zèt v’r weer ‘ns in!

Zèt mèr in, lalalala… | same mit ’t publiek!

Mèr 1000 klanke, 1000 kleure, verbènje ós jaorliks mitein!

1000 klanke, 1000 kleure, verbènje òs jaorliks mitein!

BRÖGK

En sjturf de lètste klank ewèg, bleus nog gaw eine zien träötje rèch!

Lalalala….

Kiek ós hie gaon, kiek ós hie sjtaon, ‘t leek ein zootje òngerein

Mèr 1000 klanke, 1000 kleure’, verbènje òs jaorliks mitein!

1000 klanke, 1000 kleure, verbènje òs jaorliks mitein!